Հետազօտութեան Հմտութիւններ

Դասանիւթ․- Կեանքի Հմտութիւններ
Նիւթ․- Տարբեր աղբիւրներէ Տեղեկութիւններու որոնում
Տարիք․- 13-14
Պատրաստող ուսուցիչ․- Մանուէլ Թոքմաքճեան
Ե-նամակ.- manuel.tokmakjian@hayavant.com

Հիմնաւորում․-

• Այս հմտութիւնը կարեւոր է ակադեմականուսումնական, կամ անձնական կեանքի եւ գործի մէջ։
• Նոր մտածելակերպեր յառաջ կը բերէ։
• Գիտելիքներու պաշարի ամբարումի կը նպաստէ։
• Շրջահայեաց կը դարձնէ։
• Կը զարգացնէ քննական մտածողութիւնը։

Նպատակակէտեր․-
Դասի աւարտին, աշակերտը պիտի կարենայ․-

• Իր նախընտրած նիւթին կամ իրմէ պահանջուած ծրագրին մասին անհրաժեշտ տեղեկութիւնները փնտռել ու գտնել:
• Ճշգրիտ եւ վաւերական տեղեկութիւնները ընտրել։
• Իր գտած տեղեկութիւններէն կարեւորագոյն կէտերը քննել եւ ընտրել։
• Նախագիծ (draft) եւ ուրուագիծ (outline) պատրաստել։
• Որոնումի արդիւնաւէտ ձեւերը ճանչնալ։

Դասի ընթացք

1. 1. Ուսուցիչը այս հմտութիւնը կը ծանօթացնէ աշակերտներուն՝ անդրադառնալով
   անոր կարեւորութեան, իբրեւ առաջին եւ հիմնական հանգրուանը ակադեմական որեւէ լուրջ հետազօտութեան:
2. Ուսուցիչը կը ցուցադրէ, թէ համացանցի վրայ ինչպէս որեւէ բանի որոնում կը
   կատարուի՝ որոնելու ձեւ եւ բառերու գործածութիւն, ցանցերու ընտրութիւն եւ աղբիւրներու ստուգում: (Տե՛ս Որոնում.pptx)
3. Ուսուցիչը աշակերտներէն կը պահանջէ 3 փոքր որոնումներ կատարել համացանցէն: Օրինակ՝ հռչակաւոր անձնաւորութիւն մը, Metaverse-ի նորութիւնը, երկիրներու 5G օգտագործումը:
4. 4. Տեղեկութիւններու որոնումը կը ներկայացուի դասարանէն ներս եւ եթէ անհրաժեշտ է, ուսուցիչը տեղւոյն վրայ ուղղութիւններ կու տայ:

Արժեւորում․-

Այս աշխատանքը կարելի է արժեւորել հետեւեալ հարցաթերթիկներով․-

• Թիւ 1 Հարցաթերթիկ՝ Որոնելու ձեւը
• Թիւ 2 Հարցաթերթիկ՝ Ցանցերու Ընտրութիւն